राजेश खत्री,
साउन २७। आज कृष्ण जन्माष्टमी, पूजा आराधना गरी मनाइँदै छ । सधै जसो भिड हुने तुलसीपुरको दुधेनामा रहेको कृष्ण मन्दिरमा आज भने भक्तजनको भिड लागेको छैन । आज प्रहरीले मन्दिरमा भिड लाग्न दिएको छैन ।
मन्दिरमा पुजा आराधना भेटघाटका लागि धेरै मानिस जम्मा हुने भएकाले गर्दा पनि कोरोना भाइरसको महामारीका कारण संक्रमण बढ्ने सक्ने अवस्था भएकोले गर्दा अहिले मन्दिरमा मानिसहरुलाई जम्मा हुन् र भेटघाट गर्न दिइएको छैन । मन्दिर क्षेत्रमा आज प्रहरी परिचालन गरिएको छ ।
कृष्ण जन्माष्टमी प्रत्यक भाद्र कृष्ण अष्टमीका दिन मनाइने गरिन्छ । आज व्रत बसी राति १२ बजे श्रीकृष्ण जन्मिएको सम्झनामा पूजा लगाउने र रातभरि जाग्राम बसेर श्रीकृष्णको भजन गाउने गरिन्छ ।
