२०७७ कार्तिक १४ गते शुक्रवार

प्रजातन्त्रका सेनानी स्वर्गीय शिव गिरी को हुन ? प्रजातन्त्रको लागि उनले गरेको योगदान के छ ? (भिडियो सहित)

दाङको तुलसीपुर उपमहानगरपालिका वडा नं. १२ कचिला गाउँ नेपाली काँग्रेसको लागि एउटा ऐतिहासिक थलो हो । २०१७ साल पुस १ गते राजा महेन्द्रले कू गर्दै एक दलिय पंचायती व्यवस्था लादे । प्रथम जननिर्वाचित प्रधानमन्त्री वीपी कोईराला लगाएका शिर्ष नेतालाई जेल हाले । त्यसको विरुद्धमा काँग्रेसले देशव्यापाी रुपमा आन्दोलन छेड्यो । पार्टी प्रतिवन्धित गिए । तरपनि काँग्रेस जनहरुले लुकुछिपी प्रजातन्त्रको प्राप्तीको लागि संघर्षरत थिए । त्यही बीचमा हतियारको राजनीति शुरु भयो । पार्टी प्रतिवन्धित अवस्थामा हतियार उठाउनु चानचुने कुरा थिए । जानकारहरुका अनुसार त्यतिबेला दाङको कचिला र सुकौरा काँग्रेसको आधार ईलाका थिए । स्वर्गीय नेता खुमबहादुर खड्का लगाएका नेताहरु त्यहाँ बसेर प्रजातन्त्रको पक्षमा आवाज बुलन्द पार्दथे । स्वर्गीय शिव गिरीको कचिलास्थित घर अघोसित काँग्रेसको पार्टी सम्पर्क कार्यालय जस्तै थियो ।

निर्वासवाट नेताहरु हतियार,बम, बारुद सहित आउँदा स्वर्गीय गिरीकै घरमा रहन्थे । अदम्य साहासका प्रतिमुर्ती गिरी स्वर्गीय नेता खुमबहादुर खड्काको आग्रहमा २०२५ सालको तत्कालिन सिडियो काण्डमा नेतृत्व कर्ता थिए । घोराहीको भरतपुर स्कूलमा अध्यनरत एकजना छात्रा (केटी)लाई ती सिडियोले दुव्र्यबहार गरेपछि त्यसका विरुद्ध काँग्रेसका खुमबहादुर खड्काहरुले त्यसका विरुद्ध आन्दोलन गरेका थिए । काँग्रेसले आन्दोलन चर्काएपछि सिडियो भोलिपल्ट नै भागेर जान खोजे । घोराही बाट आएर प्लेन मार्फत भागेर जान टरिगाउँ एयरपोर्टमा सिडियो आउन थालेको थाहाँ पाएपछि शिव गिरीले ती सिडियोलाई रोक्न दर्जनौं विद्यार्थी ल्याएर एयरपोर्ट घेरेका थिए । स्वर्गीय शिव गिरीलाई तत्कालिन सरकारले आजिवन कारावासको सजाय तोकेको थियो । खासमा शिव गिरी को हुन र उनले प्रजातन्त्रको लागि के कस्तो योगदान गरेका थिए । स्वर्गीय शिव गिरीका भाई तथा नेपाली काँग्रेस दाङका पूर्व सचिव शंकर गिरीले दाजु शिव गिरीको जीवनी यसरी प्रकाश पारे ।

(भाई शंकर गिरीका शब्दमा शिव गिरीको जीवनी र योगदान भिडियोसहित)

प्रकाशित मिति : २०७५ मङ्सिर ५ गते बुधवार
प्रतिक्रिया दिनुहोस

Leave a Reply

Your email address will not be published. Required fields are marked *