दाङ, कार्तिक ३०। नेत्रविक्रम चन्द विप्लव नेतृत्वको नेपाल कम्युनिस्ट पार्टीले गरेको नेपाल बन्दको प्रभाव दाङमा परेको छ।
पेट्रोलियम पदार्थसहितका दैनिक उपभोग्य वस्तुहरूमा गरिएको मूल्यवृद्धि तत्काल खारेज गर्न माग गर्दै गरेको नेपाल बन्दको बिहानै देखि प्रभाव परेको छ।
मंगलबार बिहानैदेखि दाङका सडकमा निजि तथा सार्वजनिक सवारीहरू चलेका छैनन ।
तुलसीपुरका चोक चोकमा सुरक्षाकर्मीको बाक्लो उपस्थिति रहेको छ। तुलसीपुरमा अहिलेसम्म त्यस्तो कुनै अप्रिय घटनासमेत नभएको प्रहरीले जानकारी दिएको छ।
यस्तै बन्दकर्ताले तुलसीपुरको बिरेन्द्र चोकमा जेब्रा क्रशिंग पनि बनाएका छन ।
