शरद रेग्मी,तुलसीपुर,पुस १८ । राप्ती यातायात सेवा प्रालीले एसि सहितका स्तरिय दिवा बस सेवा सुरु गरेको छ।
मंगलबार एक कार्यक्रमका बिच प्रालिका अध्यक्ष सुरेश हमालले रिवन काटेर एकैसाथ चारवटा दाङ-काठमाण्डौ दिवा बसको शुभारम्भ गरेका हुन ।
डिलक्स र आरामदायी सिटहरु रहेका बसहरुमा यात्रा गर्दा चिसो मौसममा हिटर र गर्मि समयमा एसिको सुविधा रहेको छ ।
यस अघि स्तरिय एसि र डिलक्स सहितका रात्री बस सेवा सुरु गरेको प्रालिले यात्रुहरुको माग र सुबिधाका लागि दिवा बस सेवा सुरु गरेको अध्यक्ष हमालले जानकारी दिए ।
यस क्षेत्रको सबैभन्दा पुरानो र स्थापित तत्कालीन राप्ती समिति रुपान्त्रण हुदै प्रालिसम्म आईपुग्दा आफ्ना सेवाहरु पनि बिस्तार गर्दै आएको उनको भनाई छ ।
प्रकाशित मिति : २०८० पुष १८ गते बुधवार