२०८१ साउन ५ गते शनिवार

यो महिनाभरि नै डेङ्गीको जोखिम ः विज्ञ

काठमाण्डौ ,कात्तिक १२ । यो महिनाभरि डेङ्गीको जोखिम कायमै रहने भन्दै विज्ञहरुले सचेत हुन आग्रह गरेका छन् ।

चिसो बढेसँगै सङ्क्रमितको सख्या घटे पनि जोखिम टरिनसकेको विज्ञहरुको भनाइ छ । विज्ञहरुकाअनुसार जाडो बढेपछि लामखुट्टेको वृद्धिविकास पनि कम हुन्छ र त्यसपछि बिस्तारै सङ्क्रमितको सङ्ख्या कम हुन सक्छ ।

सबै जिल्लामा फैलिएको डेङ्गीबाट अहिलेसम्म ४६ हजार सङ्क्रमित भइसकेका छन् ।

स्वास्थ्य तथा जनसङ्ख्या मन्त्रालयको पछिल्लो तथ्याङ्कअनुसार अहिलेसम्म ४६ हजार ४१३ जना सङ्क्रमित भइसकेका छन् । त्यसैगरी ५२ जनाको डेङ्गी सङ्क्रमणबाट ज्यान गएको छ ।

सङ्क्रामक रोग विशेषज्ञ डा। शेरबहादुर पुनका अनुसार सङ्क्रमितमध्ये करिब ८० प्रतिशतलाई डेङ्गीको लक्षण कडा नहुने र ५ प्रतिशतभन्दा कमलाई मात्र कडा देखिने भएकाले प्रायजसो लक्षण भएर वा नभएर नै सङ्क्रमित भइसकेकाले वास्तविक सङ्ख्या धेरै हुन सक्छ ।

नेपालमा २र३ वर्षको अन्तरालमा डेङ्गीले प्रकोपको रुप लिने गरेको छ । तीन वर्षअघि १७ हजार ९ सय ९२ जना डेङ्गीबाट सङ्क्रमित भएका थिए भने ६८ जिल्लामा फैलिएको डेङ्गीबाट ६ जनाको ज्यान गएको थियो ।

प्रकाशित मिति : २०७९ कार्तिक १२ गते शनिवार
प्रतिक्रिया दिनुहोस

Leave a Reply

Your email address will not be published. Required fields are marked *