दाङ, कात्तिक ४ । नेपाल विद्युत प्राधिकरणले दाङ घोराही सिमेन्ट उद्योगसहित ६ वटा उद्योगको बिद्युत लाइन काटेको छ।
बिगतमा लोडसेडिङको समयको डेडिकेटेड र ट्रंक लाइनको बक्यौता नतिरेका ६ उद्योगको लाइन बिद्युतले काटेको हो । प्राधिकरणका अनुसार घोराही सिमेन्ट उद्योगले ५० करोड ८५ लाख रुपैयाँ तिर्न बाँकी छ । विद्युत उपभोग बाफतको उक्त प्रिमियम महसुल नतिरेका कारण मंगलबार घोराही सिमेन्ट उद्योगसहित ठूला उद्योगहरूको लाइन बिद्युतले काटेको हो ।
बिगतको लोडसेडिङको समय अर्थात २०७२ माघदेखि २०७५ वैशाख सम्म विशेष लाइनमार्फत विद्युतु उपयोग गरेका उद्योगहरुले तोकिएको अतिरिक्त शुल्क तिर्न भने मानिरहेका छैनन् । सोही बिबादका कारण प्राधिकरणले यसअघि पनि ती उद्योगहरुको लाइन काटेको थियो ।
प्राधिकरणका अनुसार सबै भन्दा बढी बक्यौता जगदम्बा स्टीलको छ । उस्ले एक अर्ब ६० करोड रुपैयाँ तिर्न बाँकी छ । त्यसपछि रिलायन्स स्पिनिङ मिल्सले ७५ करोड ३७ लाख , शिवम सिमेन्टले ७७ करोड ८८ लाख , घोराही सिमेन्ट उद्योगले ५० करोड ८५ लाख, अर्घाखाँची सिमेन्ट इन्डस्ट्रीजले ४४ करोड ८४ लाख र त्रिवेणी स्पिनिङ मिल्सले ३२ करोड १० लाख रुपैयाँ प्रिमियम विद्युत महसुल तिर्न बाँकी छ ।
बिगददेखि नै प्राधिकरण र उद्योगीका बीचमा प्रिमियम विद्युत महसुल बारे बिबाद चल्दै आएको छ । उद्योगीले सर्तअनुसार विद्युत उपयोगको प्रमाण उपलब्ध गराउन माग गर्दै आएका छन ।
