२०८१ असार ८ गते शुक्रवार

प्रतिष्ठानमा अत्याधुनिक प्रविधिले क्यान्सर परिक्षण सुरु


दाङ,बैशाख १६ । दाङको घोराहीमा रहेको राप्ती स्वास्थ्य विज्ञान प्रतिष्ठानमा ठुलो संख्यामा क्यान्सर परिक्षण गरिएको छ । प्रतिष्ठानमा अत्याधुनिक प्रबिधिको माध्यमबाट क्यान्सर परिक्षण गर्न सुरु गरिएको छ ।

प्रतिष्ठानका अनुसार एक हजार बढि विरामीको क्यान्सर भए नभएको वारेमा परीक्षण गरीएको छ । प्रतिष्ठानका कामु निर्देशक डा. रमेश कडेलले प्रतिष्ठानमा सेवा लिन आएका १ हजार ५ सय ९९ जना विरामीहरुको क्यान्सर भए नभएको पत्ता लगाउन परीक्षण गरीएको जानकारी दिए ।

प्रतिष्ठानमा २०७९ साल फागुनदेखी हिष्टो प्याथोलोजि(वायोप्सी) परीक्षणको सेवा सुरु भएको थियो । प्रतिष्ठानमा कार्यरत प्याथोलोष्टि डा. मधु सिग्देलले अघिल्लो बर्षको फागुनदेखी हाल चैत सम्म ९ सय ५७ जना विरामीले हिष्टो प्याथोलोजिको सेवा लिएको बताए ।

विरामीको अप्रेसन गर्नेक्रममा मासुको सानो भाग निकालेर क्यान्सर भए नभएको पत्ता लगाउन हिष्टो प्याथोलोजि गर्ने गरिन्छ ।

त्यस्तै उनका अनुसार गएको बैशाखदेखी चैत महीनासम्ममा सुइको माध्यमवाट क्यान्सर भए नभएको पत्ता लगाउन ३ सय ९८ जना विरामीको वायोप्सी परीक्षण गरिएको छ ।

टिचिङ हस्पिटल काठमाण्डौवाट प्याथालोजिमा एम डि पास गरेका डा. सिग्देलले गएको बैशाखदेखी चैतसम्म पाठेघरको मुखको क्यान्सर भए नभएको पत्ता लगाउन २ सय ४४ जना परीक्षण गरीएको जानकारी दिए ।

उनीसंगै काठमाण्डौ मेडिकल कलेजवाट प्याथोलोजिमा एमडि पास गरेका डा. समिर मजगैँयासहीतको स्वास्थ्यकर्मि, नर्शसहीतको टोलिले वायोप्सी परीक्षण गर्दै आइरहेको छ ।

प्रकाशित मिति : २०८१ बैशाख १६ गते आइतवार
प्रतिक्रिया दिनुहोस

Leave a Reply

Your email address will not be published. Required fields are marked *