तुलसीपुर फागुन २४ । आज १ सय ११औं अन्तर्राष्ट्रिय श्रमिक महिला दिवस। महिला दिवसको अवसर परेर तुलसीपुर उपमहानगरपालिकाले किशोरीहरुलाई ५४ वटा साईकल वितरण गरेको छ ।
महिला बालबालिका तथा सामाजिक बिकास शाखाले महिला दिवसको अवसरमा कार्यक्रमको आयोजना गरी तुलसीपुर क्षेत्रका सामुदायिक बिद्यालयमा कक्षा ८ देखी १२ सम्म अध्ययनरत छात्राहरुलाई साईकल दिएको हो ।
साइकल वितरण गरेपछि साईकल र्याली गरिएको थियो । उक्त साइकल र्यालीले बजारलाइ परिक्रमा गरेको थियो । ‘महिलाको सुरक्षा, सम्मान र रोजगारः समृद्ध नेपालको आधार’ भन्ने नाराका साथ र्यालीको आयोजना गरिएको हो ।
