दाङ, जेठ ३० । दाङको तुलसीपुरमा पनि ‘इनफ इज इनफ’ प्रदर्शन भएको छ । देशमा कोरोना भाइरस महामारी रोक्न लकडाउन गरेको ८१ औं दिन हुदासम्म नागरिकस्तरबाट सरकारका कामको विरोध प्रदर्शन भएको छ। ‘इनफ इज इनफ तुलसीपुर दाङ’ फेसबुकमा ग्रुप बनाएर युवाहरु एकबद्ध भएर तुलसीपुरको बिपी चोकमा शुक्रबार बिहान बिरोध प्रदर्शन गरेका हुन् । प्रदर्शनमा करिब ३० भन्दा बढी सहभागी भएका थिए।
प्रदर्शनकारीको माग कोरोना व्यवस्थापनमा सरकार प्रभावकारी र संवेदनशील र जवाफदेही भएर अघि बढोस् भन्दै फेसबुक मार्फत आह्वान गरेर प्रदर्शन भएको हो । प्रदर्शनमा ‘नेताको घरमा मासु जनतालाई सधै आँसु,कुर्सी मुनि कार्पेट कार्पेट मुनि जनता, झुटो आशले एक मुठी सास बच्दैन लगाएतमा प्लेकार्ड बोकेका थिए । यो अभियान राजनीतिक नभई स्वतन्त्र युवाहरूको भएको पनि उल्लेख गरेका छन ।
