तुलसीपुर, चैत २१ । राप्ती गाउँपालिका–२ बह्राखुट्टी का १७ बर्षीय स्मिथ प्रधानको हत्या आरोपी तीन जना पक्राउ परेका छन् ।
उनको शब राप्ती –४ दोलाई खोलाको सुख्खा पक्की नालामा टाउकोमा चोट ग्रस्त अवस्थामा शुक्रबार दिउँसो १२ तिर फेला परेको थियो ।
प्रधानका साथी राप्ती – १ पाखापानीका १६ बर्षीय आयुषमान थापा मगर घाइते छन् । राप्ती आधारभूत अस्पताल सिसहनियाँमा उपचार पछि थप उपचारका लागि उनलाई बुटवल रिफर गरिएको छ ।
जिल्लाका निमित्त प्रहरी प्रबक्ता प्रहरी निरीक्षक बाबुराम बस्नेतले प्रधानको हत्या आरोपी तीन जनालाई पक्राउ गरिएको छ ।
जस्मा बंगलाचुली गाउँपालिकाका निवासी २० बर्षीय संदिप वली, राप्ती गाउँपालिकाका निवासी १८ बर्षीय निश्चल चौधरी र राप्ती गाउँपालिका कै १८ बर्षीया आकृति बुढा रहेका छन् ।
इलाका प्रहरी कार्यालय भालुवाङबाट प्रहरी निरीक्षक पुष्कर सिंह ऐरीका अनुसार राति १० बजेदेखि बिहान ४ बजेको बीचमा उनीहरु तीन जनालाई बिभिन्न स्थान बाट नियन्त्रणमा लिइएको हो ।
प्रहरी निरीक्षक बस्नेतका अनुसार आकृति बुढाले फेक आइडी बनाएर भेट्न आउनका लागि घाइते आयुषमान थापा मगर र स्मिथ प्रधानलाई रातिमा बोलाएकी थिइन ।
उनैले बोलाएको हुँदा प्रधान र मगर बिहीबार बेलुकी ८ बजेतिर घर बाट संगै राप्ती गाउँपालिका – ४ तर्फ निस्किएका थिए ।
बुढाकै योजनामा भेट्न बोलाएर योजना बद्ध रुपमा प्रधानको हत्या गरेको तथ्य खुलेको प्रहरी बताउँछ ।
प्रहरीका अनुसार प्रहरी हिरासतमा रहेकी आकृति बुढा र हत्या गरिएका स्मिथ प्रधानले बिगतमा कक्षा ८ देखि १० सम्म संगै पढेका थिए ।
सामाजिक संजालको गलत प्रयोग, कलिलै उमेरको प्रेम सम्बन्ध र बदलाको भावनाका कारण घटना भएको प्रहरी बताउँछ ।
