तुलसीपुर, कात्तिक ७ । आइतबार बेलुका तुलसीपुरको मोतिपुरमा भएको बस दुर्घटनामा परि घोराहीका एक जना युवकको मृत्यु भएको छ ।
बसले च्यापेका घोराही उपमहानगरपालिका वडा नं. १० का २८ बर्षीय प्रेम परियारको मृत्यु भएको इलाका प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिए ।
जेसिभीको सहयोगमा उद्धार गरि राप्ती प्रोदेशिक अस्पताल तुलसीपुर पु¥याए लगतै चिकित्सकले उनलाई मृत घोषणा गरेको प्रहरीले जनाएको छ ।
घोराहीबाट तुलसीपुर तर्फ आउँदै गरेको ना ६ ख ७६३३ नम्बरको बस तुलसीपुर उपमहानगरपालिका वडा नं. ६ मोतिपुरमा बेलुका सवा ५ बजेतिर दुर्घटनामा परेको थियो ।
मोतिपुरको ओरालोमा बस सडकदेखि तल खस्न पुग्दा त्यसमा सवार थप २१ जना यात्रु घाइते भएको डिएसपी अर्यालले जानकारी दिए ।
अन्य घाइते सबैको तुलसीपुरमै उपचार भइरहेको डिएसपी अर्यालले बताए ।
दुर्घटनाको कारण खुल्न नसकेको प्रहरीले जनाएको छ ।
राप्ती प्रादेशिक अस्पतालमा लगिएका घाइतेहरु – सबै तस्बिरहरु – राजेश खत्री ।
