काठमाडौँ,पुस २५ । सरकारले हवाई इन्धनको मूल्य घटाएसँगै हवाई भाडा पनि घटाइएको छ ।
आयल निगमले इन्धनको मूल्यमा प्रतिलिटर २० रुपैयाँ कटौती गरेसँगै वायुसेवा सञ्चालक सङ्घले हवाई भाडा घटाएको हो ।
सङ्घका अनुसार काठमाण्डौदेखि धनगढीसम्मको उडानमा सबैभन्दा धेरै आठ सय ८५ रुपैयाँ भाडा घटेको छ । यो गन्तव्यका लागि सात हजार पाँच सय दश रुपैयाँ कायम भएको छ ।
काठमाण्डौदेखि धनगढीसम्म अधिकतम भाडा १६ हजार एक सय ४० रुपैयाँ कायम भएको छ ।
काठमाण्डौबाट हुने पर्वतीय उडान ९माउन्टेन फ्लाइट० मा छ सय ८५ भाडा घटेर अधिकतम १४ हजार दुई सय पाँच रुपैयाँ कायम भएको छ ।
काठमाण्डौ–सिमरामा एक सय ८० भाडा घटेको छ ।
त्यस्तै काठमाण्डौ–भद्रपुरमा छ सय, काठमाण्डौ–विराटनगरमा चार सय ८५ रुपैयाँ, काठमाण्डौ–जनकपुरमा दुई सय ६०, काठमाण्डौ–भरतपुरमा दुई सय १५ र काठमाण्डौ–पोखरामा तीन सय २० रुपैयाँ भाडा घटेको छ ।
