दाङ, जेठ ५ । नेपालगन्ज उपमहानगरपालिका वडा नम्बर १० मा राप्रपाले वडाध्यक्ष जितेको छ ।
श्रवणकुमार श्रेष्ठ ९९४ मत प्राप्त गरी वडाध्यक्षमा निर्वाचित भएका हुन । नेपाली कांग्रेसका नरबहादुर विष्टले ५९९ मत प्राप्त गरे । राप्रपाका श्रेष्ठले काँग्रेसका बिष्ट भन्दा ३९५ मत बढी प्राप्त गरेका छन् ।
यहाँ नेकपा एमालेका वडाध्यक्ष पदका उम्मेदवार संजय साहुले ३३१,नेकपा माओवादी केन्द्रका धनबहादुर पुनले ९३ मत र जनता समाजवादी पार्टी ९जसपा०का खुमानन्द काफ्लेले जम्मा २९ मत प्राप्त गरे ।
२०७४ सालमा यो वडामा नेपाली कांग्रेसले वडाअध्यक्षसहित सबै पदहरुमा जितेको थियो । तर, राप्रपाले यो वडामा वडाअध्यक्षसहित पुरै प्यानल जितेको छ ।
यो वडा नेपाली कांग्रेसका तत्कालिन सभापति तथा पूर्वप्रधानमन्त्री स्वर्गिय सुशिल कोइराला मतदाता रहेको वडा हो ।
कांग्रेसका केन्द्रीय सदस्य मैकुलाल बाल्मिकी, कांग्रेस बाँकेका यसअघिकी सभापति किरण कोइराला, जिल्ला सचिव सुधान्सु कोईराला पनि १० नम्बर वडाकै बासिन्दा हुन ।
