जुम्ला,जेठ २ । जुम्लाको कनकासुन्दरी गाउँपालिकामा नेपाली कांग्रेस विजयी भएको छ ।
अध्यक्ष कांग्रेसका उम्मेदवार दामोदर आचार्य अध्यक्षमा र उपाध्यक्षमा पनि कांग्रेसकै प्रेमकली बुढा विजयी भएका हुन ।
अध्यक्ष आचार्यले २ हजार ८ सय ६ मत प्राप्त गरेका छन भने उपाध्यक्ष बुढाले २ हजार ३ सय ८० मत प्राप्त गरेका निर्वाचन अधिकृतको कार्यालयले जनाएको छ ।
नेकपा माओवादीका धनबहादुर रावत २ हजार ५ सय ६२ र उपाध्यक्ष रिता खत्रीले १ हजार ९ सय ४५ मत प्राप्त गरेका छन ।
कनकासुन्दरीमा २०७४ सालमा पनि कांग्रेसका अध्यक्ष नरविर रावत र उपाध्यक्ष उर्मिला भण्डारी विजयी भएका थिए ।
प्रकाशित मिति : २०७९ जेष्ठ २ गते सोमवार
