तुलसीपुर,पुस १ । दाङको तुलसीपुरमा आज छैठौ दिन पनि महोत्सव जारी छ । गत २५ गतेदेखि लुम्बिनी प्रदेशस्तरीय प्रथम कृषि तथा पर्यटन महोत्सवको आज छैठौ दिन पनि चर्चित कलाकारहरुको प्रस्तुती रहने आयोजकले जनाएको छ ।
यूथ्स अफ तुलसीपुरको आयोजनामा संचालित
महोत्सवमा आज गायक रमेशराज भट्टराई, ढाकाराम पौडेल, संचारकर्मी तथा गायक प्रेम विवश घर्ती,गायिका शृजना खत्री , सहिमा श्रेष्ठ लगाएतका राष्ट्रिय तथा स्थानियस्तरका कलाकारको प्रस्तुती रहने महोत्सबका सांस्कृतिक सहसंयोजक प्रेम विवश घर्तीले बताए ।
तुलसीपुरमा आधुनिक पुस्तकालय स्थापना गर्ने मुख्य उद्देश्य लिएको महोत्सवमा स्थानीय उत्पादनको बजारीकरण तथा प्रवद्र्धन गर्ने थप उद्देश्य रहेको आयोजकले जनाएको छ ।
महोत्सवमा विभिन्न प्रकारका तीन सय बढी स्टलहरू राखिएको छ ।
महोत्सव आगामी पुष ६ गते सम्म सञ्चालन हुने आयोजक युथ्स अफ तुलसीपुरका अध्यक्ष अरुण लहरेले जानकारी दिए ।
