तुलसीपुर , भदौ १९ । बलात्कार मुद्दाका पाँच बर्ष जेल सजाए तोकिएका एक युवक पक्राउ परेका छन् ।
शान्तिनगर गाउँपालिका वडा नं.१ का ३६ बर्षीय देबहादुर डाँगीलाई प्रहरीले आइतबार पक्राउ गरेको जानकारी दिएको छ ।
दाङ जिल्ला अदालतले २०६६ साल फागुन १२ गते डाँगीलाई बलात्कार मुद्दामा पाँच बर्ष कैद सजायको फैसला सुनाएको थियो ।
अदालतको फैसला पछि डाँगी फरार रहँदै आएको जिल्ला प्रहरी प्रबक्ता डिएसपी राजनकुमार गौतमले बताए ।
पक्राउ पछि डाँगीलाई जिल्ला अदालतमा उपस्थित गराइएको र अदालतको आदेशले तोकिएको सजाय भुक्तानका लागि कारागार चलान गरिएको छ ।
प्रकाशित मिति : २०७९ भाद्र २० गते सोमवार
