तुलसीपुर, जेठ २६ । दाङको घोराहीमा आँफैले चलाएको मोटरसाइकल दुर्घटनामा परि एक युवकको मृत्यु भएको छ ।
घोराही उपमहानगरपालिका वडा नं. २ का २७ वर्षीय गोविन्द रेग्मीको आँफैले चलाएको रा ४ प ७२११ नम्बरको मोटरसाइकल दुर्घटना परि मृत्यु भएको छ ।
जिल्ला प्रहरी प्रमुख एसपी सुरेश काफ्लेले रेग्मी सवार मोटरासइकल घोराही – ४ रामपुरस्थित सडकखण्डको एक घरमा ठोक्किएको अवस्थामा फेला परेको बताए ।
घटना बिहीबार बिहान ४ बजेतिर भएको अनुमान गरिएकोछ । एसपी काफ्लेका अनुसार अचेत अवस्थाका घाइतेलाई अस्पताल पु¥याउना साथ चिकित्सकले मृत घोषणा गरेका थिए ।
यसैबीच राति संगै बसेर मदिरा सेबन गरेपछि आफ्नो मोटरसाइकल दिएर रेग्मीलाई घर पठाउने ब्यक्तिलाई पनि प्रहरीले बोलाएको छ ।
प्रकाशित मिति : २०७९ जेष्ठ २६ गते बिहिवार
