तुलसीपुर, वैशाख २१ । नेकपा एमालेबाट तुलसीपुर उपमहानगरपालिकाका मेयर पदका उम्मेदवार टीकाराम खड्काले भूमिहिनको समस्या समाधान गर्नका लागि एमालेका उम्मेदवारलाई बिजयी गराउन अपिल गरेका छन् ।
बुधबार तुलसीपुर वडा नं.९ मा आयोजित चुनाबी सभालाई सम्बोधन गर्दै एमालेका प्रदेश कमिटी सदस्यसमेत रहेका खड्काले एमालेले जितेमात्रै भूमिहीन समस्या समाधान हुने दाबी गरे ।
त्यस्तै उनले अहिले कुरुप अवस्थाको तुलसीपुरलाई सुन्दर बनाउन आँफूलाई बिजयी बनाउन अपिल गरे ।
तुलसीपुर क्षेत्रका बिद्युत तारले बजार कुुरुप बनेको भन्दै मेयरका उम्मेदवार खड्काले आँफूले जिते ती तारलाई अन्डरग्राउन्ड गर्ने प्रतिबद्धता जाहेर गरे ।
एमालेको पक्षमा लहर आएको भन्दै खड्काले आँफूहरुले जित्ने दाबी गरे ।
प्रकाशित मिति : २०७९ बैशाख २१ गते बुधवार
