दाङ, बैशाख ६ । रोल्पामा प्रहरीले २१० रोपनी क्षेत्रफलमा लगाएको अफिमका बोटहरु नष्ट गरेको छ ।
प्रहरीले जिल्लाको थबाङ गाउँपालिका वडा नं। ४ मालागिरी, जुत्तर, नयाँगाउँ र गुराँसे लगाएतका स्थानमा लगाइएको अफिमका बोटहरु नष्ट गरेको हो ।
गोप्य सूचनाका आधारमा अफिम नष्ट गर्न इलाका प्रहरी कार्यालय सुलिचौरबाट प्रहरी निरीक्षक लक्ष्मण वलीको कमाण्डमा इप्रका पोवाङ, इप्रका उवा र इप्रका थवाङबाट खटिएको २२ जनाको प्रहरी टोली खटिएको थियो ।
पछिल्लो समय अबैध मानिने अफिमका बोटहरु नष्ट पार्ने अभियानमा रोल्पा प्रहरी सक्रिय देखिएको छ ।
प्रकाशित मिति : २०७९ बैशाख ६ गते मङ्गलवार
