काठमाडौं, जेठ १०। पछिल्लो २४ घण्टामा नेपालमा थप ७४२५ जनामा कोरोनाभाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना संक्रमितको संख्या ५ लाख २० हजार ४ सय ६१ पुगेको छ ।
पछिल्लो २४ घण्टामा २० हजार ४५३ जनाको नमूना परीक्षणमा पिसिआर परीक्षण गरेकामध्ये ७ हजार २२० जनामा पोजेटिभ देखिएको हो। त्यस्तै २०५ जनाको एन्टिजेन विधिबाट परीक्षण गर्दा पोजेटिभ देखिएको मन्त्रालयले जनाएको छ।
पछिल्लो २४ घण्टामा ७ हजार १ सय ३५ जना संक्रमणमुक्त भएका छन्। यो सँगै कोरोनामुक्त हुनेको संख्या ३ लाख ९८ हजार ४ सय ८३ पुगेको छ ।
पछिल्लो २४ घण्टामा १८५ जनाको मृत्यु भएको छ। यससँगै नेपालमा हालसम्म कोरोनाबाट मृत्यु हुनेको संख्या ६ हजार ५३१ पुगेको छ।
प्रकाशित मिति : २०७८ जेष्ठ १० गते सोमवार
