२०८१ जेष्ठ ११ गते शुक्रवार

सुकुम्बासीलाई जग्गाधनी पूर्जा वितरणमा तीव्रता देउ –अर्थमन्त्री पौडेलले

काठमाडौं, माघ १९ । अर्थमन्त्री विष्णुप्रसाद पौडेलले भूमिहिन दलित र भूमिहिन सुकुम्बासीलाई जग्गाधनी पूर्जा वितरण गर्ने कार्यलाई तीव्रता दिन भूमि सम्बन्धी समस्या समाधान आयोगलाई निर्देशन दिएका छन् ।

अर्थ मन्त्रालयमा आयोजित कार्यक्रममा अर्थमन्त्री पौडेलले भूमिहिनलाई जग्गाधनी पूर्जा उपलब्ध गराउने कार्य सरकारको उच्च प्राथमिकतामा रहेको भन्दै वास्तविक भूमिहिनको लागत संकलन गर्ने कार्य सम्पन्न गर्दै मापदण्डभित्र परेकालाई जग्गाधनी पूर्जा उपलब्ध गराउन निर्देशन दिएका हुन ।

‘स्रोत र जनशक्तिको अभाव हुन दिने छैनौं’, अर्थमन्त्री पौडेलले भने–‘काम र परिणाम पनि त्यही अनुसार आउने गरी काम गर्नुहोस ।’

आयोगका अध्यक्ष देवीप्रसाद ज्ञवालीले स्थानीय तहसंग पनि सहकार्य र समन्वय गर्दै काम गरेको जानकारी दिदै १८ घण्टा खटेर भएपनि काम गर्ने आश्वासन दिए । आयोगका पदाधिकारीले अहिलेसम्म गरेको कार्य प्रगति र भाबी लक्ष्य पनि प्रस्तुत गरेका थिए ।

आयोगका अनुसार ७४ जिल्लाका ४ सय १ स्थानीय तहसंग भूमिहिन दलित, भूमिहिन सुकुम्बासी र व्यवस्थित बसोबासी व्यवस्थापन कार्यका लागि समझदारी भइसकेको छ भने १४ वटा स्थानीय तहमा लगत संकलन कार्य जारी छ ।

२०७७ साल फागुन सम्ममा ७ सय ५३ स्थानीय तहसंग समझदारी गरी एक सय स्थानीय तहको लगत संकलन कार्य सम्पन्न गरी कम्तिमा ५ लाख परिवारको विवरण संकलन गरिने उदेश्य राखिएको छ ।

यस्तै २०७८ साल असारसम्ममा एक सय स्थानीय तहको नापजाँच कार्य सम्पन्न गरी कम्तिमा ५० हजारलाई जग्गाधनी पूर्जा वितरण गर्ने तयारी गरिएको छ ।

प्रकाशित मिति : २०७७ माघ १९ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *