तुलसीपुर, भदौ १३ । राप्ती प्रादेशिक अस्पताल तुलसीपुरमा कार्यरत ९ जना स्वास्थ्यकर्मीलाई कोरोना संक्रमन पुष्टि भएको छ ।अस्पतालका दूई चिकित्सक र सात जना स्वास्थ्यकर्मीलाई संक्रमन पुष्टि भएको तुलसीपुर उपमहानरपालिकाका कोरोना फोकल पर्सन विमल केसीले फरककोणलाई जानकारी दिए ।
राप्ती स्वास्थ्य विज्ञान प्रतिष्ठान घोराहीमा शनिवार गरिएको पिसिआर परीक्षणका क्रममा उनीहरुलाई संक्रमन पुष्टि भएको हो ।
तुलसीपुर उपमहानगरपालिका वडा नं. ५ का ३२ र ३७ बर्षका दुई जना, वडा नम्बर ६ का ३५ र ४१ बर्षका दुई जना, वडा नम्बर ९ का ५६बर्षीय एक जना र वडा नम्बर १९ का ३५ बर्षीय एक जनामा संक्रमन पुष्टि भएको छ ।
त्यस्तै तुलसीपुरबाट स्वाब संकलन गरिएका घोराही १५ का ३२ बर्षका एक जना र चितवन भरतपुर ५ घर भएका २६ बर्षीय अर्का एकजनामा पनि कोरोना पुष्टि भएको छ । त्यस्तै शनिवार घोराहीका थप ११ जनामा संक्रमन पुष्टि भएको छ ।
घोराही उपमहानगरपालिकाका फोकल पर्सन नारायण घर्तीका अनुसार लक्ष्मी बैंकका ४ जना कर्मचारीलाई पनि संक्रमन पुष्टि भएको छ। त्यस्तै घोराही १० नारायणपुर क्षेत्रका ४ व्यापारी, वडा नं. १५ का ४ जना, वडा नं. ११ का १ जना र वडा ८ का १ जनामा संक्रमन पुष्टि भएको घर्तीले बताए ।
