Farakkon

News Portal From Nepal, 'Information, Your Rights'


सिंगापुरसंग नेपाल ८२ रनले पराजित



दाङ,साउन १२ । सिंगापुरसंग नेपाल ८२ रनले पराजित भएको छ । आइसिसी टी–२० विश्वकप एसिया छनोटअन्तर्गत आइतवारको खेलमा नेपाल सिंगापुरसंग पराजित भएको हो । सिंगापुरले दिएको १९२ रनको लक्ष्य पछ्याउने क्रममा नेपाल १५ ओभरमा १०९ रनमै अलआउट हुन पुग्यो । नेपालका लागि ओपनिङमा आएका ज्ञानेन्द्र मल्लले सबैभन्दा बढी ३९ रन जोडे। उनले २१ बलमा ४ चौका र ३ छक्का प्रहार गरे। त्यसअघि कप्तान पारस खड्का १० बलमा १२ रन जोडेर आउट भएकमा थिए ।

पारस र ज्ञानेन्द्र ७ ओभरभित्र आउट भएपछि दबाबमा परेको नेपालले लगातार विकेट गुमाउँदै गएको थियो ।

शरद भेषवाकारलाई जनक प्रसादले क्याच आउट गरे । नेपालका लागि दीपेन्द्रसिंह ऐरीले २३ रन र सोमपाल कामीले रनआउट हुनुअघि ११ रन जोडे। अन्य ब्याट्सम्यान दोहोरो अंक सकेनन् ।

सिंगापुरका सेलाडेन विजयकुमारले एक्लैले ४ विकेट लिए। उनले त्यसमा २५ रन खर्चिएका थिए ।

सिंगापुरको इन्डियन एसोसिएसन मैदानमा टस जितेर पहिले सिंगापुरले ब्याटिङ गरेको थियो । सिंगापुरले २० ओभरमा ६ विकेटको क्षतिमा १९१ रन जोडेको हो। टिम डेभिडले सबैभन्दा बढी ७७ रन जोडे। उनले ४३ बलमा ८ चौका र ३ छक्का प्रहार गरे।

त्यसअघि ओपनर रोहन रंगराजन ४९ रन जोडे । अभिनास बोहराको बलमा आउट हुनुअघि उनले ३३ बलमा ३ चौका र ४ छक्का प्रहार गरेका थिए । उनका ओपनिङ पार्टनर चन्द्रमोहन भने ७ रनमा आउट भए।

मनप्रित सिंहले ४२ रनको योगदान दिदा सिंगापुरको इनिङले गति लियो। उनले २७ बलमा ३ चौका र २ छक्का प्रहार गरे। बलिङमा नेपालका अभिनास बोहराले ४ विकेट लिए। उनले ४ ओभरमा ३५ रन खर्चिए। करण केसीले २ विकेट हात पारे। उनले ३ ओभरमा २९ रन खर्चिए। ४ ओभर बलिङ गरेका बसन्त रेग्मी महँगा साबित भए। विकेट लिन नसकेका बसन्तले ५४ रन दिए। जसमा बसन्तले ५ चौका र ३ छक्का बेहोरे। सन्दीप लामिछानेले ३ ओभरमा ३४ रन दिँदा विकेट लिन सकेनन्।

यो पराजय संगै आगामी वर्ष अस्ट्रेलियामा हुने टी–२० विश्वकप क्रिकेट खेल्ने नेपालको सपना अधुरै बनेको छ । यो जितसंगै सिंगापुर भने आगामी अक्टोबरमा युएईमा हुने विश्व छनोटमा पुगेको छ। विश्व छनोटमा १४ टिमबीच प्रतिस्पर्धा हुनेछ। जहाँबाट ६ टिमले आगामी वर्ष अस्ट्रेलियामा हुने विश्वकपमा भाग लिन पाउनेछन्।

प्रतिक्रिया दिनुहोस्

Your email address will not be published. Required fields are marked *

फेसबुक प्रतिकृया


    सोसल मिडिया

  • टुइटरमा पछ्याउनुहोस
  • फेसबूक पेज लाईक गर्नुहोस
  • युट्युब च्यानल सब्स्क्राइब गर्नुहोस
  • इमेल गर्नुहोस

हाम्रो टिम

अध्यक्ष
बिनिल केसी

व्यवस्थापन
दुर्गा खड्का


प्रधान सम्पादक
अर्जुन गिरी

सम्पादक
नारायण खड्का

मल्टिमिडिया
राजेश खत्री

ग्राफिक्स डिजाइनर
लालु चौधरी
© २०१८ Farakkon.com सर्वाधिकार सुरक्षित | Website by : WitNepal