Farakkon

News Portal From Nepal, 'Information, Your Rights'


रुकुममा पश्चिममा नौसय कार्टुन मदिरा जफत

स्थानीय सरकारको मनोमानी



दाङ, भदौ २३ ।
रुकुम पश्चिमका व्यापारीले लैजान लागेको नौसय कार्टुन मदिरा स्थानीय सरकारले जफत गरेको छ । पिके इन्टरप्राईजेज प्रालिले जिल्लामा लैजान लागेको उक्त परिमाणको मदिरा भदौ १९ गते जिल्लाको त्रिवेणी गाउँपालिकामा स्थानीय सरकारले नियन्त्रणमा लिएको व्यवसायीले गुनासो गरेका छन् ।

उच्च अदालत सुर्खेतले गत असार १९ गते राज्यको नियम अनुसार हुने व्यवसाय नरोक्न विपक्षीलाई आदेश दिएको थियो । तर पनि गाउँपालिकाका अध्यक्ष झक्कुप्रसाद घर्तीको आदेशमा स्थानीय प्रहरी प्रशासनले मदिरा नियन्त्रणमा लिएको व्यापारीको आरोप लगाएका छन् । मदिरा व्यवसायी संघका जिल्ला अध्यक्ष नविनकुमार खड्काले विज्ञप्तिमार्फत त्यसप्रति गम्भीर आपत्ति जनाएका छन् ।

राज्यले निर्धारण गरेका सबै मापदण्ड पूरा गरी बैधानिक रुपमा व्यापार गर्न पाउने अधिकारको हनन् भएको हुँदा त्यसको विरुद्ध अदालत जाने खड्काले चेतावनी दिए । एक हप्ताभित्रै जफत गरिएको मदिरा फिर्ता नगरे आन्दोलन चर्काउने अध्यक्ष खड्काले बताए । मदिरा संघका अध्यक्ष खड्काका अनुसार जिल्लामा ईजाजत पाएका ६४८ मदिरा व्यवसायी रहेका छन् ।

उक्त मदिरा पिके इन्टरप्राईजेज प्रालिले जलजला डिष्ट्रिलरी प्रालिबाट रुकुम लैजान लागेको थियो । आन्तरिक राजस्व कार्यालय तुलसीपुर दाङलाई २ लाख ८३ हजार ५ सय कर तिरेको मदिरा स्थानीय सरकारले रोकेपछि व्यवसायीले त्यसको चर्को विरोध गरेका छन् । विल नं. ४२ बाट ७ लाख ९५ हजार १०० मूल्य बराबरको मदिरा भदौ १९ गते ना ७ ख २५८३ नम्वरको गाडीमार्फत रुकुम लैजाँदै गर्दा झुलनेटामा प्रहरीले मदिरा नियन्त्रणमा थियो ।

जसमा रंगीला र माई ओेरेन्ज डायमन नामक ९०० पेटी मदिरा छ । त्यसक्रममा चालक र व्यवसायीलाई समेत अभद्र व्यवहार गरिएको अध्यक्ष खड्काले जारी गरेको विज्ञप्तिमा उल्लेख छ । तर जिल्ला समन्वय समितिका अध्यक्ष राजकुमार शर्माले मदिराको बैज्ञानिक व्यवस्थापन नहुँदासम्म मदिराको व्यापार गर्न नदिने नियम अनुसार मदिरा जफत गर्नुपरेको जानकारी दिए ।

जिल्ला समन्वय समितिले माघ ६ गतेदेखि रुकुम पश्चिम जिल्लामा मदिराको आयातमा रोक लगाएको थियो भने फागुन १६ गतेदेखि विक्री वितरण नै बन्द गराएको थियो । त्यस्तै यही आठविसकोट नगरपालिकाले भने गत असार ९ गते मात्रै उक्त क्षेत्रलाई मदिरामुक्त क्षेत्र घोषणा गरेको छ । तर उसले जिल्लाको आठविसकोट नगरपालिका वडा नं. १० मा उद्योग स्थापना गरि आफै मदिरा उत्पादन सुरु गरेको छ ।

कर्णाली बेभरेज प्रालि स्थापना गरि जनतासँगको साझेदारीमा मदिरा उत्पादन थालेको भन्दै व्यवसायीले स्थानीय सरकारको भूमिका आफैमा विरोधाभासपूर्ण रहेको टिप्पणी गर्ने गरेका छन्

प्रतिक्रिया दिनुहोस्

Your email address will not be published. Required fields are marked *

फेसबुक प्रतिकृया


    सोसल मिडिया

  • टुइटरमा पछ्याउनुहोस
  • फेसबूक पेज लाईक गर्नुहोस
  • युट्युब च्यानल सब्स्क्राइब गर्नुहोस
  • इमेल गर्नुहोस

हाम्रो टिम

अध्यक्ष
बिनिल केसी

व्यवस्थापन
दुर्गा खड्का


प्रधान सम्पादक
अर्जुन गिरी

सम्पादक
नारायण खड्का

मल्टिमिडिया
राजेश खत्री

ग्राफिक्स डिजाइनर
लालु चौधरी
© २०१८ Farakkon.com सर्वाधिकार सुरक्षित | Website by : WitNepal