काठमाडौं, कात्तिक २ । चर्चित हास्य टेलिसिरियल ‘हिजो आजका कुरा’ नाममा चलचित्र निर्माण हुने भएको छ । टेलिसिरियलका प्रमुख कलाकार तथा निर्देशक सन्तोष पन्तले चलचित्रको निर्माण गर्न लागेका हुन् ।
चलचित्रलाई सन्तोष पन्तका छोरा साकार पन्तले निर्देशन गर्ने भएका छन् । सन्तोष र साकारको कथा रहेको चलचित्रलाई सन्दीप किस्नाले लेखेका छन् । विदेश मोह भएका चार परिवारको पारिवारिक समस्या र संघर्षलाई चलचित्रमा देखाइने बताइएको छ ।
चलचित्रमा सन्तोषसँगै रमा थपलिया, केकी अधिकारी, ऋचा शर्मा, रिमा विश्वकर्मा, जेविका कार्की, रमेश अधिकारी, सविन शाक्य, विनायक कुइकेल, अनुष्का घिमिरेलगायतको अभिनय रहने छ । तिहारपछि छायांकनमा जाने यस चलचित्रमा रवि सायमीको छायांकन रहनेछ भने हर्कुलस बस्नेतको संगीत रहने छ ।
प्रकाशित मिति : २०७६ कार्तिक २ गते शनिवार
