शरद रेग्मी,
तुलसीपुर, असार १७ ।तुलसीपुरमा बुधवार व्यवसायीका बीचमा छलफल भएको छ । तुलसीपुर उद्योग वाणिज्य संघको अगुवाइमा प्रजातान्त्रिक उद्योगी व्यवसायी संघ, तुलसीपुर च्याम्वर र नेपाल राष्ट्रिय व्यापार संगठनका पदाधिकारीहरुको संयुक्त रुपमा छलफलगरेका हुन । छलफल असार मसान्तसम्म सहज रुपमा खोल्ने विषयमा छलफल केन्द्रित रहेको सहभागिहरुले बताएका छन् ।
तुलसीपुर उपमहानगरपालिकाले भने एक वडाध्यक्षलाई कोरोना पोजेटिभ देखिएको हुँदा कन्ट्रयाक्ट ट्रेसिङ पछि उनीहरुको रिपोट हेरेर मात्रै बजार खोल्नु उचित हुने बताउँदै आएको छ ।छलफलमा तुलसीपुर उद्योग वाणिज्य संघका अध्यक्ष अध्यक्ष विरु रावतले भने बजार मात्र नभइ बैंक, विद्युत र आन्तरिक राजश्वकार्यालय समेत बन्द गर्नुपर्ने माग गरेका थिए ।तर उनले असार मसान्त व्यवसायिको लागि महत्वपुर्ण पर्व जस्तै भएको भन्दै खाता बन्द र नयाँ सञ्चालन गर्नका लागि पनि बजारखोल्नुपर्ने माग गरेका थिए ।
छलफलकै क्रममा प्रजातान्त्रिक उद्योगी व्यवसायी संघ तुलसीपुरका अध्यक्ष जनकप्रसाद खरालले पनि त्यही माग गरेका छन् । स्थानीयसरकार र प्रशासनले असार मसान्तसम्म पनि बजारलाइ खोल्न नदिए व्यवसायीहरु सडकमै आउन सक्ने चेतावनी उनले दिए ।
तुलसीपुर चेम्वर अफ कमर्शका अध्यक्ष टोपवहादुर घर्तीले पनि बजार खोल्नुपर्ने धारणा राखे । तुलसीपुर उद्योग बाणिज्य संघकायसअिघका अध्यक्ष विमल रिजालले असार मसान्तसम्म बजार खोल्नु पर्ने बताए । उनले सांझ ५ बजेसम्म बजार खोल्न पाउनु पर्ने मागगरे ।युवा व्यवसायी दामोदर भण्डारीले दिउसो १२ बजे सम्म मात्रै खोल्नु भन्दा दिनभरी खोल्दा भिडभाड कम हुने बताए ।
